30.Абҵара.2022

АҲӘЫНҬҚАРРАТӘ ПРОГРАММА «АНХАРҬАҬЫԤ - 2025» АНАГӠАРА ИАЗОУЖЬХОИТ 180 МИЛЛИОН МААҬ.

  • font size decrease font size increase font size
  • Акьыԥхьра
  • Email

Аҟәа. Абҵарамза 30, 2022 шықәса. Аԥсныпресс.  Абҵарамза 30 рзы Аԥсны Анапхгара аҳәынҭқарратә хықәкытә Программа «Анхарҭаҭыԥ  - 2025» апроект шьақәнарӷәӷәеит. Уи анагӡара азы аҳәынҭқарратә биуџьеҭ аҟынтәи 180 миллион мааҭ азоужьра азԥхьагәаҭоуп. Иарбоу аԥаратә хархәагақәа реицҵалыҵ 2023, 2024, 2025 шықәсқәа рзы еихшахоит,  есышықәса 60 миллион мааҭ азоужьхалоит.

Апрограмма алахәылацәас иҟалар алшоит:

Аԥсны жәлар рџьынџьтәылатәи еибашьра аҿы ахәрақәа зауз, актәи агәыԥ аинвалидцәа.

Хҩык, ма еиҳаны ахәыҷқәа змоу аҭаацәа;

Ахәыҷы-инвалид, ма дхәыҷы аахыс иинвалиду ахәыҷы ныҟәгатәыс измоу ауаа;

Заби зани зыԥхаз зықәра наӡам ахаҿқәа;

Зани заби зыԥхаз, 18 шықәса инаркны 30 шықәсанӡа зхыҵуа ауаа;

Аԥсны жәлар рџьынџьтәылатәи еибашьра аҿы иҭахаз, ма хабарда ибжьаӡыз рҭаацәа, иара убас рмаҵуратә уалԥшьа анагӡараан иҭахаз, ма хабарда ибжьаӡыз рҭаацәа, ауаҩы иԥсҭазаара аиқәырхара азы Аԥсны атәылауаҩ иуалԥшьа анагӡараан иҭахаз, ма хабарда ибжьаӡыз рҭаацәа, иҟоу азакәанԥҵара инақәыршәаны, Аԥсны амазара, азинеиҿкаара, иара убас урҭ ираҟаратәу ахаҿқәеи рыхьчараан иҭахаз, ма хабарда ибжьаӡыз рҭаацәа.

Раԥхьаӡа иргыланы актәи агәыԥ аинвалидцәа, ахәыҷқәа-аинвалидцәа змоу аҭаацәа, зани заби зыԥхаз ахәыҷқәеи ахәыҷы рацәа змоу аҭаацәеи рҟынтәи арзаҳалқәа  ирыхәаԥшуеит.

Апрограмма «Анхарҭаҭыԥ-2022» аҳәаақәа ирҭагӡаны иахәаԥшымкәа иаанхаз Аԥсны атәылауаа рҟынтәи 350 иреиҳаны азыҳәамҭақәа апрограмма ҿыц аҳәаақәа ирҭагӡаны иахәаԥшхоит.  

Социалла ихьчам акатегориақәа ирыҵанакуа Аԥсны атәылауаа анхарҭаҭыԥ ала реиқәыршәара иазку Аҳәынҭқарратә Программа  раԥхьаӡа акәны еиҿкаан 2018 шықәса азы. 2018 шықәса инаркны 2021 шықәсанӡа уи алахәылацәас иҟалеит 104-ҩык апретендентцәа, урҭ ирзоужьхеит 80 млн. мааҭ.

РГУ "АПСНЫМЕДИА" Информационное Агентство "АПСНЫПРЕСС" © 2023 Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info. При полной или частичной перепечатке текстовых материалов в интернете гиперссылка на www.apsnypress.info обязательна.