Аԥшьаша, 24 Абҵара 2022 13:06

СЫНТӘА АРЕСПУБЛИКАТӘ ЦЕНТР АҾЫ ИМҨАԤЫСИТ 240-ҨЫК ИНАРЕИҲАНЫ АХӘЫҶҚӘА РРЕАБИЛИТАЦИА АЗЫ ЕИУЕИԤШЫМ АКУРСҚӘА МҨАԤЫСИТ.

  • font size decrease font size increase font size
  • Акьыԥхьра
  • Email

Аҟәа. Абҵарамза 24, 2022 шықәса. Аԥсныпресс/ Ҭамара Ачба. Згәабзиара алшарақәа ԥку ахәыҷқәа рзы ареспубликатә ареабилитациатә Центр абар шьҭа бжьы шықәсеи бжаки ирылагӡаны  Аҟәа ақалақь аҿы аус ауеит. Ареабилитациатә Центр аҳақьым Хада Лиана Емухвари Аԥсныпресс акорреспондент диҿцәажәо Ацентр аусура атәы еиҭалҳәеит.

Ареспубликатә ареабилитациатә Центр аатит мшаԥымза  17, 2015 шықәса рзы. Ари амедицинатә усбарҭа шьаҭанкылатәи аиҭашьақәыргылара урыстәылатәи афинанстә цхыраара ахарџь ала имҩаԥган.  Аобиект аргылара ҩы-шықәса ирылагӡаны имҩаԥысуан. Аргылара ахарџьынҵа 34 млн. мааҭ рҟынӡа инаӡоит. Урҭ рахьынтә 8 млн. мааҭ ацентр азы амаругақәа раахәара иақәхарџьхеит.

 

Аҟәантәи ахәыҷқәа Ацентр аҿы аус рыдырулоит ҽынлатәи астационар аҳасабала. Егьырҭ, хара инхо астационартә хәышәтәра аҿы иаанхоит. Уи азы ҷыдала еиқәыршәоу ашьҭаларҭақәа рҿы ахәыҷқәа рхала, аҳақьымцәа рхылаԥшрала  еиԥш, ранацәагьы рыцны иаанхар ҟалоит.

Ацентр аҿы згәабзиара алшарақәа ԥку ахәыҷқәа рзы иманшәалоу аҭагылазаашьақәа аԥҵоуп.  Араҟа иҟоуп агидромассаж зцу аӡҭарчы, атренажиортә зал, аҽазыҟаҵарақәа рзы азалқәа. Иҟоуп иара убас акрыфарҭеи ахәыҟаҵарҭеи аӡәӡәарҭеи.

 

 

Last modified on Аԥшьаша, 24 Абҵара 2022 21:07
РГУ "АПСНЫМЕДИА" Информационное Агентство "АПСНЫПРЕСС" © 2022 Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info. При полной или частичной перепечатке текстовых материалов в интернете гиперссылка на www.apsnypress.info обязательна.