Аԥшьаша, 24 Абҵара 2022 11:26

АԤСНИ НИКАРАГУЕИ АШАХМАТҚӘА РФЕДЕРАЦИАҚӘА РЫПРЕЗИДЕНТЦӘА ОНЛАИН-ФОРМАТ АЛА РЕИԤЫЛАРА МҨАԤЫСИТ.

  • font size decrease font size increase font size
  • Акьыԥхьра
  • Email

Аҟәа. Абҵарамза 24, 2022. Аԥсныпресс. Аԥсни Никарагууеи рыбжьара аспорти аҿартә политикеи рзы аусеицура азы 2022 шықәсазы иазԥхьагәаҭоу аусмҩаԥгатәқәа рыплан инақәыршәаны, абҵарамза 23 рзы онлаин режим ала Аԥсни Никарагууеи ашахматқәа рзы Афедерациақәа рыпрезидентцәа реиԥылара мҩаԥысит, ҳәа иаанацҳауеит аҳәынҭқарратә Еилакы аофициалтә саит.

Аԥсуа ган аҟынтәи уи рхы аладырхәит аҿари аспорти рзы аҳәынҭқарратә Еилакы ахантәаҩы ихаҭыԥуаҩ Мадина Воуба, Аԥсны ашахматқәа Рфедерациа апрезидент Константин Ҭыжәба, никарагуантәи – аспорт аминистр Марлос Торреси ашахматқәа Рфедерациа апрезидент Гуи Хосе Бенданиа Гурреро.

Никарагуантәи иколлегацәа аԥсшәа раҳәо, Мадина Воуба илҳәеит: «Даара гәахәарыла исыдыскылоит иахьатәи ҳаиԥылара. Сгәыӷуеит, ари аҿы ҳшаанымкыло, ашахматқәа рзы еиуеиԥшым  атурнирқәа онлаин режим ала еиԥш офлаин-форматқәа рылагьы мҩаԥаҳгалап ҳәа», –иазгәалҭеит Мадина Воуба.

Анаҩс Константин Ҭыжәбеи Гуи Хосе Бенданииа Гуррерои ашахматқәа рыҿиара аҭоурыхи доусы ртәылақәа рҿы аспортсменцәа реихьӡарақәеи ртәы рҳәеит, ԥхьаҟатәи азԥхьагәаҭарақәеи ртәы еиҭарҳәеит.

«Ҳара есышықәса 12 рҟынӡа жәларбжьаратәи атурнир дуқәа мҩаԥаагоит. Жәабранмза, 2023 шықәса рзы ҳара ҳҿы имҩаԥысраны иҟоуп «Тамыш Village», уахь иаараны иҟоуп 10-ҩык иреиҵамкәа жәларбжьаратәи агроссмеистерцәа. Иара убас, нанҳәамзазы атурнир ду мҩаԥысраны иҟоуп, уи аԥхьахәтә фонд 1 млн. мааҭ рҟынӡа инаӡоит, имҩаԥгахоит Урыстәыла ашахматқәа Рфедерациа алархәны.   Шәара шәыспортсменцәа ҳзаар, ҳара гәахәарала иҳадаҳкылоит», – ҳәа иҳәеит Константин Ҭыжәба.

Иара иколлегацәа ирыдигалеит хара имгакәа онлаин режим ала 15 шықәса зхымҵыц рыбжьара, ганцыԥхьаӡа ԥшьҩы-ԥшьҩык алархәны аиҩызаратә еиԥылара амҩаԥгара.   

Аҩганк ашахматқәа рзы аиҩызаратә еиԥылара амҩаԥгара, аиҩызаратә ҟазшьа змоу аҩганктәи, аԥсуа-никарагуатәи аизыҟазаашьақәа рыҿиара иазку аусеицура ишацхраауа азгәарҭеит.  

Аиԥылара ахыркәшамҭаз аганқәа иарбоу ахырхарҭа ала аусеицура ацҵаразы еиқәшаҳаҭхеит.  В завершение встречи  стороны договорились о продолжении совместной работы в данном направлении.

РГУ "АПСНЫМЕДИА" Информационное Агентство "АПСНЫПРЕСС" © 2022 Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info. При полной или частичной перепечатке текстовых материалов в интернете гиперссылка на www.apsnypress.info обязательна.