Аԥшьаша, 24 Абҵара 2022 17:07

АУАҨЫ ИЗИНҚӘА РЫХЬЧАРАЗЫ АЗИНМЧЫ ЗМОУ АСИДА ШЬАҞРЫЛ АҲӘЫНҬҚАРРА АХАДА АЕНЕРГЕТИКА АЗЫ АКОМИССИА АԤҴАРА ИАԤШЬЫЛГЕИТ.

  • font size decrease font size increase font size
  • Акьыԥхьра
  • Email

Аҟәа. Абҵарамза 24, 2022 шықәса. Аԥсныпресс. Ауаҩы изинқәа лыхьчаразы Азинмчы змоу Асида Шьаҟрыл Аҳәынҭқарра Ахада Аслан Бжьаниа апрофилтә енергетикатә Комиссиа аԥҵара иаԥшьылгеит.

Аҳәынҭқарра Ахада иахь инашьҭыз ашәҟәы аҿы ишарбоу ала, «акомисиа ахықәкы хаданы иҟалароуп ҳазҭоу аамҭазы имҩаԥгоу аусмҩаԥгатәқәа уахь иналаҵаны, иааизакны аенергетикатә усхкы аҭагылазаашьа ахәшьара аҭареи, иара убас Аԥсны Аҳәынҭқарра аенергетикатә усхкы аҿиара аконцепциа аиқәыршәареи».

Ҳара ҳгәаанагарала, Акомиссиа раԥхьаӡа иргыланы, Ареспубликатә унитартә Наплакы «Амшынеиқәафымцамч» ахаҭарнакцәа, Жәлар Реизара-Апарламент адепутатцәа, Аҳәынҭқарра Ахада Иусбарҭа, ауаажәларратә еиҿкаарақәеи аполитикатә партиақәеи рхаҭарнакцәеи аеспертцәеи рыла ишьақәгылазар ахәҭоуп, усҟан уи еиуеиԥшым аполитикатә бжьахәаахәҭрақәеи иарбоу апроблема аполитикатә хықәкқәа рынагӡара азы ахархәареи рыцәцара алнаршоит.  Аха зегьы реиҳа ихадоу, ас еиԥш иҟоу Акомиссиа аԥҵара аенергетикатә проблема аӡбаразы амҩақәа рыԥшаара азы ауаажәларреи атәыла анапхгареи рыбжьара акоструктивтә еиҿцәажәара хацнаркуеит. Убри аҟнытә Акомиссиа аеффективра злоу аусура алыршаразы уи аилазаара ашьақәырӷәӷәара еиуеиԥшым аполитикатә мчқәа рыбжьара аконсенсус абжьаҵарала имҩаԥысуазароуп», - ҳәа иазгәаҭоуп ашәҟәы атекст аҿы.

Last modified on Аԥшьаша, 24 Абҵара 2022 19:06
РГУ "АПСНЫМЕДИА" Информационное Агентство "АПСНЫПРЕСС" © 2022 Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info. При полной или частичной перепечатке текстовых материалов в интернете гиперссылка на www.apsnypress.info обязательна.