Иахьа гәадурала иаҳгәалаҳаршәоит ҳаибашьцәа рфырхаҵареи ргәымшәареи. Рыхьӡ кашәара ақәым ҳаԥсадгьыл зхы ақәызҵаз аҵеицәа.

Акыр иаԥсоу аветеранцәа! Шәара ишәыбзоураны Аԥсны жәлар ҭынч инхоит-инҵуеит зхы иақәиҭу, ихьыԥшым аҳәынҭқарраҟны!

Гагра иахьа аҿиара амҩа иануп. Акурорттә индустриа аусура еиҳа-еиҳа ишьақәгылоит. Ақалақьуаа ишәымоу ауадаҩрақәа рыӡбара иаҿуп араион, аҳәынҭқарра ахадара. Уи ҳара иаҳуалуп. Аԥсны инхо ауаа зегьы шәыԥсҭазаара аиӷьтәра – абри ауп ҳхықәкы.

Ҳаҭыр зқәу ҳауаажәлар! Ишәыдысныҳәалоит ари амш! Ишәзеиӷьасшьоит аҭынчра, аизҳара!