Аҟәа. Жьҭаарамза 5, 2022 шықәса. Аԥсныпресс. Грозныи ақалақь ахадара иҟарҵаз ааԥхьарала Аҟәа ақалақь ахада Беслан Ешба, уи ихаҭыԥуаҩ Авҭандил Сурманидзе Чечентәыла аҳҭны-қалақь 204 шықәса ахыҵра азгәаҭара рхы аладырхәуеит. Абри атәы аанацҳауеит Аҟәа ақалақь Ахадара апресс-маҵзура.
Аҟәа ақалақь аделегациа ашәҭқәа шьҭарҵеит Чечентәыла актәи ахада, Урыстәыла Афырхаҵа Ахмат-Хаджи Кадыров ибаҟа аҿаԥхьа.
Аныҳәа Урыстәыла 20 қалақь рҟынтәи аделегациақәа алахуп. Асасцәа рзы амемориалтә комплекс иаҵанакуа амузеи аҿы аекскурсиа еиҿыркааит.
Иахьа имҩаԥгахоит аныҳәха иалахәыз аделегациақәа рзы Грозныи ахада Хас-Магомед Кадыров иофициалтә дкылара, иара убас аныҳәатә концерт. .
