Ахәаша, 30 Цәыббра 2022 11:26

АԤСНЫ АНАПХГАРА АХЬӠАЛА АИААИРЕИ АХЬЫԤШЫМРЕИ РНЫҲӘАМШ ИНАМАДАНЫ АДНЫҲӘАЛАРАҚӘА ААИУЕИТ.

  • font size decrease font size increase font size
  • Акьыԥхьра
  • Email

Аҟәа. Цәыббрамза 30, 2022 шықәса. Аԥсныпресс. Аԥсны Аҳәынҭқарра Анапхгара ахьӡала Аиааиреи Ахьыԥшымреи Рымшныҳәеи   1992 – 1993 шш. Аԥсны жәлар рџьынџьтәылатәи еибашьраҿы Аиаара агара Амш  29-шықәса ахыҵреи инарымаданы адныҳәаларатә шҟәқәеи ателеграммақәеи аауеит.

Аԥсны Аҳәынҭқарра Ахада ихьӡала Никарагуа Ахада Даниель Ортега, Ҭаҭарсҭан Ахада Русҭам  Минниханов, Аахыҵ Уаԥстәыла Ахада Алан Гаглоев, Аԥсны иҟоу Аахыҵ Уаԥстәыла  Ацҳаражәҳәаҩ Олег Боциев, Аԥсны иҟоу Урыстәылатәи Афедерациа аҷыдалкаатә зинмчы змоу Ацҳааражәҳәаҩ Михаил Шургалин, Ҟабарда-Балкариатәи Ареспублика Ахада  Казбек Коков, Аԥсны иҟоу Урыстәылатәи Афедерациа афедералтә шәарҭадара Амаҵзура Аҳәаахьчаратә Усбарҭа анапхгаҩы Андреи  Кудимов, Лугансктәи Жәлартә Республика Ахада Леонид Пасечник рҟынтәи адныҳәаларатә шәҟәқәеи ателеграммақәеи ааиуеит.

«Цәыббрамза 30 рзы иазгәарҭо Аԥсны Аиааиреи Ахьыԥшымреи Рымныҳәеи Аԥсны жәлар рџьынџьтәылатәи еибашьра аҿы Аиааира агара Амш 29- шықәса ахыҵреи инарымаданы, ҳара Ареспублика Никарагуа ажәлари амилаҭтә акзаареи аинаалареи рнапхгареи, хаҭала сара сыхьӡалеи гәадурала Шәара шәызхагыло ажәлари атәыла анапхгареи ари аныҳәамш ду  инамаданы адныҳәалара шәыдышәкылар ҳҭахуп.

Ари агәалашәаратә, аҭоурыхтә рыцхә азы ҳара иазгәаҳҭоит аԥсуа жәлар иуадаҩӡаз аамҭа азы амилаҭ аиқәырхара, асуверенитети ахьыԥшымреи рыхьчара иазку иԥшьоу ақәԥараҿы иаадырԥшыз афырхаҵареи агәымшәареи агәаӷьреи. Ҳара ҩаԥхьа иҳарҵабыргуеит ҳажәларқәеи Ҳнапхгарақәеи еидызкыло аиашьаратә еимадара, аимабзиаратә еизыҟазаашьақәа, аиҩызареи хра злоу аусеицуреи аринахысгьы рырӷәӷәара ҳшадгыло», - ҳәа иазгәаҭоуп Никарагуа Ахада иааишьҭыз адныҳәаларатә шәҟәы.

«Цәыббрмза 30, 1993 шықәса рзы афырхаҵара злоу Аԥсны жәлар ахақәиҭреи ахьыԥшымреи рзы ашьаарҵәыратә қәԥара аҿы акыр иззыԥшыз аиааира агара рылшеит. Ари амш аԥсуа жәлар рфырхаҵареи рыгәаӷьреи рхачҳареи, аԥеиԥш бзиа агәазыҳәареи иасимволны иҟалеит.   

 

Иахьа Ареспублика Аԥсны ԥхьаҟатәи аԥеиԥш агәра ганы иахәаԥшуа, ажәлар иалырхыз амҩа иану, ишьақәгылахьоу иазхаҵоу аҳәынҭқарра аҳасабала акыр зҵазкуа арыцхә азгәанаҭоит.

Агәра ганы сыҟоуп, аҳәынҭқаррабжьаратәи аизыҟазаашьақәа, аҩганк ирзыфеидоу ҳусеицура, апатуеиқәҵареи агәреибагареи рышьаҭала аринахысгьы хра злоу аҿиара шаиуо», - ҳәа иаҳәоит Аахыҵ Уаԥстәыла Ахада иҟаиҵаз адныҳәалара аҿы.

Алан Гаглоев Аслан Бжьаниа изеиӷьаишьеит агәабзиара, агәамч, инапы злаку аҳәынҭқарратә усура аҿы ақәҿиара дуқәа, Аԥсны ажәлар зегьы – аҭынчра, аизҳазыӷьара, ахирра.

«Ахьыԥшымра аиура Аԥсны аԥеиԥш аҿы акырӡа зҵазкуа ароль нанагӡеит, хра злоу аҿиаразы инарҭбаау аперспективақәа аанартит, амилаҭтә ҟазшьаҷыдара, аԥсуа жәлар ркультуратәии рдоуҳатәии аҭынха аиқәырхара азы агарантиақәа аԥнаҵеит.

Иҳаҩсыз ашықәсқәа рзы ареспублика аҳәынҭқарратә шьақәгылара аҿы имаҷымкәа ақәҿиарақәа аҭыԥ аман, аекономикатә, асоциалтә, акультуратә ҿиара мҩаԥысуан. Ареспублика аԥсҭазаара аҿы хра злоу аиҭакрақәа  уи анапхгара ишәа-иза инанагӡо аполитикатә курс, ауаажәларра-политикатә ҭышәынтәалареи ашәарҭадареи рырӷәӷәара, иара убас зегьы раԥхьаӡа иргыланы, аԥсуа жәлар рҟәыӷареи рыгәҭакы анагӡараҿы рымаашьареи ишиашо иадҳәалоуп», - ҳәа иазгәаҭоуп Ҟабарда-Балкариатәи Ареспублика Ахада Казбек Коков иааишьҭыз адныҳәаларатә шәҟәы аҿы.

«Аԥсуа жәлар знысыз амҩа акыр имариам, аха ажәлар ракзаареи апатриотизм иашеи ирсимволны иҟалаз акыр зҵазкуа аҳәынҭқарратә ргылара амҩа, иуадаҩу агеополитикатә процессқәа рҿаԥхьа  ареспублика ашьақәгылара, иара убас уи аԥеиԥш бзиа ачаԥара  ашьаҭа арӷәӷәоит», - ҳәа иаҳәоит Ҭаҭарсҭан Ахада Русҭам Минниханов иааишьҭыз ателеграмма аҿы.

«Цәыббрамза 30 рзы Ареспублика Аԥсны ҳаҭырла иргәаладыршәоит  1992-1993 шш. Аԥсны жәлар рџьынџьтәылатәи еибашьра аҿы иҭахаз афырхацәеи Аԥсынтәыла асуверенитет зыхьчаз иахьа зыԥсы ҭоу аветеранцәеи.

Иахьа ихьыԥшым Аԥсны қәҿиарала ҳаамҭазтәи адемократиатә аҳәынҭқарра аҿиарамҩа иануп. Убри аан уи ҳҳәынҭқаррақәа ирыбжьоу аиҩызареи астратегиатә партниорреи рыла ишьаҭарку аимабзиаратә еизыҟазаашьақәа рыҩаӡара есааира аизырҳара акурс иқәныҟәоит», - ҳәа иаҳәоит Аԥсны иҟоу Урыстәылатәи Афедерациа аҷыдалкаатә зинмчы змоу Ацҳаражәҳәаҩ Михаил Шургалин Аԥсны Аҳәынҭқарра Ахада Аслан Бжьаниа ихьӡала иааишьҭыз адныҳәаларатә шәҟәы аҿы. говорится в поздравлении посла России в Абхазии Михаила Шургалина.    

 

Last modified on Ахәаша, 30 Цәыббра 2022 18:56
РГУ "АПСНЫМЕДИА" Информационное Агентство "АПСНЫПРЕСС" © 2022 Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info. При полной или частичной перепечатке текстовых материалов в интернете гиперссылка на www.apsnypress.info обязательна.