Аԥшьаша, 22 Цәыббра 2022 19:36

АԤСНЫ АԤЫЗА-МИНИСТР АЛЕҚСАНДР АНҚӘАБ АԤЫЗА-МИНИСТР ИХАҬЫԤУАҨЦӘА СЕРГЕИ ПУСТОВАЛОВИ ВЛАДИМИР ДЕЛБЕИ АЛАРХӘНЫ АИЛАТӘАРА МҨАԤИГЕИТ.

  • font size decrease font size increase font size
  • Акьыԥхьра
  • Email

Аҟәа. Цәыббрамза 22, 2022 шықәса. Аԥсныпресс. Имҩаԥысыз Аԥсны ашәарҭадара Ахеилак аилатәара аихшьаалақәеи Аҳәынҭқарра Ахада иҟаиҵаз анапынҵақәеи  рыла,  Аԥсны аԥыза-министр Алеқсандр Анқәаб ихаҭыԥуаҩцәа Сергеи Пустовалови Владимир Делбеи алархәны аусуратә еилатәара мҩаԥигеит. Аилатәара иара убас ихы алаирхәит Аԥсны Иҷыдоу аҭагылазаашьақәа рзы аминистр Лев Кәыҵниа.      

Аминистрцәа Реилазаара апресс-маҵзура иҟанаҵо адыррақәа рыла, Алеқсандр Анқәаб ар амедицинатә, афинанстә, аматериал-техникатә еиқәыршәара аиӷьтәра, аҳақьым-ааԥхьаратә комиссиақәа русура аиҿкаара, Арбџьармчқәа ррезерв аус ацура иахәҭоу аҩаӡара ахь анагара, анхара-казарматә фонд аиҭашьақәыргылареи, иара убас егьырҭ хырԥашьа змам аусқәа рынагӡареи  рганахьала абжьгарақәа рыҟаҵара азы ахылаԥшрабжьаратәи аусуратә гәыԥ аилазаара азы ажәалагалақәа рыҟаҵареи рыдгадареи  рзы анапынҵақәа ҟаиҵеит.

Аусуратә гәыԥ напхгара аиҭалоит аԥыза-министр ихаҭыԥуаҩ Сергеи Пустовалов.

Аԥсны Иҷыдоу аҭагылазаашьақәа рзы аминистр Лев Кәыҵниа  араионқәеи ақалақьқәеи рхадацәа ауаажәларратә хьчара аобиектқәа ринвентарнизациа амҩаԥгара аганахьала аус рыцура азы анапынҵа иоуит.

Last modified on Ахәаша, 23 Цәыббра 2022 19:28
РГУ "АПСНЫМЕДИА" Информационное Агентство "АПСНЫПРЕСС" © 2022 Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info. При полной или частичной перепечатке текстовых материалов в интернете гиперссылка на www.apsnypress.info обязательна.