Аԥшьаша, 22 Цәыббра 2022 16:23

АԤСНЫ АТРАНСФЕР АНЫҞӘЦАҨЦӘА РЕИЛАЗААРА АИБАШЬРА АВЕТЕРАНЦӘА АЦХЫРААРА РЫҬАРА ИАЗКНЫ ИМҨАԤНАГО АКЦИА АҲӘААҚӘА ИРҬАГӠАНЫ ИАХЬАЗЫ ЕИЗГОУП 471 НЫЗЫҚЬ МААҬ.

  • font size decrease font size increase font size
  • Акьыԥхьра
  • Email

Аҟәа. Цәыббрамза 22, 2022 шықәса. Аԥсныпресс.   Аԥсны атрансфер аныҟәцаҩцәа реилазаара Аԥсны Аџьынџьтәылатәи еибашьра аҿы Аиааира агара Амш 29-шықәса ахыҵра инамаданы, аибашьара аветеранцәа ацхыраара рыҭара иазку агәыҳалалратә акциа мҩаԥнагоит.

Цәыббрамза 21 азы иҟаз адыррақәа рыла, акциа рхы аладырхәит 354-ҩык. Иахьазы еизгоуп  471 000 мааҭ.

Аԥаратә цхыраара рырҭахьеит актәи агәыԥ иаҵанакуа аинвалидцәа Ҵәыџьба Р., Задикиан Т., Атиан Т.,  Ишутинов А.,   Ковалиов С., Савосин А., Мумџьиан Иу.  Урҭ зегьы рыцыԥхьаӡа жәаба-жәаба нызықь рыҭахеит.

Егьырҭ еизгаз аԥаратә хархәагақәа аинвалидцәа ирыҭахоит цәыббрамза 26, 2022 шықәсазы 1992 – 1993шш. Аԥсны Аџьынџьтәылатәи еибашьра аинвалидцәа араионтәии ихадоуи афондқәа рҿы.  

Аԥаратә хархәагақәа реизгара иацҵахоит.

Абанктә хсаалага «Тинькофф» аномер -  5536 9141 1510 6936, Алиас.

Аԥарақәа реизгара иара убас рхы аладырхәит: «RED Taкси», Москва ақалақь атранспорттә еилазаара (Чепарин Е. А.), «Иҷыдоу азкызаара змоу атрансфер» (Ҷокәуа Р. В.), «  Атрансфер Аҟәа–Шәача, Моремолл» (Маниа М. И.), «Дильбер тур» (Шапковски Т. Д.),   «Афонҿыцтәи атакси»,  хазхаҭалатәи аусдкылаҩцәа Шьаданиа М. А. , Кардаа Б. Г.,  «Атакси Ельбрус» (ақ. Аҟәа), «Атакси Грант» (ақ. Аҟәа), Чичба Диана,  Voxy & Noah club of APSNY (Кәакәасқьыр В. О.) Москватәи Акультура-усуратә Центр «Москва Аҩны»,  Атурфирма "Антар" (Барцыц А. В.),   Сергеи Ишьенко, «Аҳаирбаӷәаза амҩақәҵаҩцәа ргәыԥ» (Варданиан Р.В. , уҳәа убас аӡәырҩы.

Аԥаратә хархәагақәа иаауеит иара убас Аԥсны еиуеиԥшым араионқәеи ақалақьқәеи рҟынтәи.

Атрансфер аныҟәцаҩцәа Реилазаара агәыԥ аусура акоординатор -  Хашба М. А.

Акциа иалаху Аԥсны ажәлар иааиуа Аиааира агареи Ахьыԥшымреи Рныҳәамш рыдырныҳәалоит, ирзеиӷьаршьоит агәабзиара, аҭынчра, аизҳазыӷьара, ақәҿиарақәеи аманшәалареи!  

 

Last modified on Ахәаша, 23 Цәыббра 2022 17:55
РГУ "АПСНЫМЕДИА" Информационное Агентство "АПСНЫПРЕСС" © 2022 Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info. При полной или частичной перепечатке текстовых материалов в интернете гиперссылка на www.apsnypress.info обязательна.