23 Ажьырныҳәа 2021

АҦСНЫ АХАДА АСЛАН БЖЬАНИА АҦСУА ТЕЛЕХӘАҦШРА 42 ШЫҚӘСА АХЫҴРА РЫДИНЫҲӘАЛЕИТ АҲӘЫНҬҚАРРАТӘ ТЕЛЕРАДИОЕИЛАХӘЫРА АУСЗУҨЦӘА

Ахәаша, 06 Абҵара 2020 15:43 505

Аҟәа. Абҵара 6, 2020. Аԥсныпресс.  Аҧсны Ахада Аслан Бжьаниа  Аҧсуа телехәаҧшра 42 шықәса ахыҵра рыдиныҳәалеит Аҳәынҭқарратә телерадиоеилахәыра аусзуҩцәа

"Ҳаҭыр зқәу Аҧсуа телехәаҧшра аусзуҩцәа!

Гәыкала ишәыдысныҳәалоит Аҧсуа телехәаҧшра   аҧҵоижьҭеи 42 шықәса аҵра. Ноиабр 6 1978 шықәса аҵак ду змоу мшуп ҳаамҭазтәи Аҧсны аҭоурых азы. Аҧсуа жәлар рзинқәа рырҭбааразы имҩаҧыргоз ақәгыларақәа ирлыҵшәаны убри аҽны раҧхьаӡа акәны аефир ахь ицәырҵит ҳмилаҭтә телехәаҧшра.        Аҧсуаа рзы уи аҵакы аинформациа амассатә хархәагак аасҭа акыр еиҳан.   Уи ҳажәлар ҿахәҳәаганы ирзыҟалеит, ҳбызшәеи ҳмилаҭтә культуреи рӡыргаразы цхыраагӡа духеит.

Лымкаала иазгәаҭатәуп Аҧсны жәлар рџьынџьтәылатә еибашьра аамҭаз Аҧсуа телехәаҧшра аусзуҩцәа ирбаз аџьабаа. Рмыругақәа зегьы аҕа импыҵаихалаз Аҟәа ишынхазгьы, аамҭа кьаҿк иалагӡаны ирылдыршеит аефир ахь аҭыҵра. Урҭ идырхиоз адырраҭарақәа гәышьҭыхган зыҧсадгьыл ахақәиҭразы иеибашьуаз ҳажәлар рзы. Ргәалашәара ҳацуп Аҧсны ахьчара зхы ақәызҵаз ателехәаҧшра аусзуҩцәа.

Ҳаамҭазы Аҧсны хкы рацәала аҿиара рымоуп аинформациа амассатә хархәагақәа. Иаатит ателеканал ҿыцқәа, инарҭбаан ахархәара амоуп аинтернет. Иагьа убас акәзаргьы, ҳажәлар рзы 42 шықәса раҧхьа еиҧш иахьагьы Аҧсуа телехәаҧшра лымкаала аҭыҧ ааннакылоит.

Аҵыхәтәантәи аамҭазы иубарҭоуп Аҧсуа телехәаҧшра аефир аҿы имҩаҧысуа аиҭакрақәа. Уи иаҳа иҭбаахеит, ицәырҵит адырраҭара ҿыҵқәа, ахархәара рымоуп ҳаамҭа иақәшәо арҿиаратә знеишьақәа.

Ишәыдысныҳәалоит Аҧсуа телехәаҧшра еиуеиҧшым ашықәсқәа рзы иазааҧсоз зегьы. Иахьа аус зуа аколлектив аилазаара    зегь раҧхьаӡа иргылан ишәзеиҕьысшьоит еснагь ишәымазарц ахәаҧшцәа ргәыбылра, ақәҿиарақәа, аихьӡара дуқәа, шәыҩнаҭақәа рҿы аманшәалара.

Ҳаҭырла, Аслан Бжьаниа,

Аҧсны Аҳәынҭқарра Ахада".

 

 

Last modified on Асабша, 07 Абҵара 2020 12:49
ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
МИНИСТЕРСТВО ЭКОНОМИКИ РЕСПУБЛИКИ АБХАЗИЯ<br>Официальный сайт
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
ВСЯ АБХАЗИЯ<br>Официальный сайт
Яндекс.Метрика
© 2020 Сайт создан и поддерживается на технической базе  Агентства Правительственной Связи РА

Login to your account

Username *
Password *
Remember Me