Print this page

Акультура аминистр Гәдиса Агрба ииубилеи идиныҳәалеит Аҧсны зҽаҧсазтәыз артист Кьасоу Ҳагба.

Асабша, 24 Жьҭаара 2020 20:04 179

Аҟәа. 24 . Аԥныпресс. Аҧсны Аҳәынҭқарра акультура аминистр Гәдиса Агрба ииубилеи идиныҳәалеит Аҧсны зҽаҧсазтәыз артист,С.Чанба ихьӡ зху аҧсуа ҳәынқарратә драматә театр актиор,"Ахьӡ-Аҧша"аорден ахҧатәи аҩаӡара занашьоу Кьасоу Ҳагба.

 

Адныҳәаларатә шәҟәаҿы иаҳәоит:

 

"Ҳаҭыр зқәу Кьасоу Золотинск-иҧа!

Ишәыдысныҳәалоит шәиубилеитә ныҳәа,шәара шәусумҭақәа Самсон Ҷанба ихьӡ зху аҧсуа ҳәынқарратә драматә театр аҟны арепертуар иалкаау аҭыҧ ҷыда аныркылоит.

 

Шәықәгыларақәа еснагь ахәшьара бзиа арҭоит ахәаҧшцәа,ҟазара ҳаракыла инашәыгӡо арольқәа ракәзар : Молчалин ("Зыхшыҩ зызрыцҳароу" А. Грибоедов), Аԥсҳа Леон ("Аԥсҳа Леон" А. Агрба), Цезарь ("Иули Цезарь" У. Шекспир), Махаз ("Махаз" Ф. Искандера, ареж. В. Ақаҩба), Тартиуф ("Тартиуф" Мольер, ареж. К. Хачегогу), Лаимен ("Ашьха Морган аҟынтәи хланҵы" А. Миллер, ареж. В. Ақаҩба), Џьонни Паттинмаик ("Адгьылбжьаха Кинишмаҟынтәи ахымхәа" Макдонаха, ареж. В. Ақаҩба), "Ацынҵәарах" Б. Шьынқәба (Хамыҭбеи Чачба).Абарҭ еиҧш иҟоу аспектакльқәа рҟны ахаҿсахьа раарҧшра ҳажәлар агәахәара ду рнаҭоит.

 

Ари шәныҳәатә мшы аҳаҭыразы ишәзеиӷьасшьоит агәабзиара ,агәамҷ,арҿиаратә гәеизҳара.

Лыссаамҭа шәагымзааит аҧсуа доуҳатә культура,аринахысгьы шәыҧсҭазаараҿы аихьӡарақәа шәыцзааит."

 

Last modified on Асабша, 24 Жьҭаара 2020 20:14