Аҟәа. Жәабранмза 10, 2024 шықәса. Аԥсныпресс. Арҩышьыгатә маҭәашьарқәа изакәанымкәа раахәара, рыҵәахра, рыиагара, иара убас Аԥсныҟа раагара азы дыгәҩароуп ҳәа дааныркылеит 1991 шықәсазы ииз Ҭҟәарчал ақалақь аҿы инхо Шамаатаа Мераб Коба-иԥа.
Игәҩароу ахаҵа амилициа аусзуҩцәеи Аҳәынҭқарратә ҳазалхратә Еилакы аконтрабанда аҿагыларазы аҟәша аусзуҩцәеи еицымҩаԥыргаз аоперативтә усмҩаԥгатәқәа раан Аушьҭра-гәаҭаратә Ҭыԥ «Ԥсоу» аиасраан даанкылан.
Мераб Шаматаа зыԥсҟы икыз автомашьына Volvo агәаҭараан, иԥшааны ицәырган зыкапан 22 грамм рҟынӡа инаӡоз 75 капсула арҩышьыгатә маҭәашьар «прегабалин».
Мераб Шаматаа иганахьала ашьаусеилыгара хацыркуп. Аусеилыргара Гагра араион аҩныҵҟатәи аусқәа Рыҟәша имҩаԥнагоит.
Мераб Шаматаа аҩнытә баандаҩра изалхуп.
