Иҳалшо зегьы аҟаҵара ҳаҿуп ҳабонентцәа рзы абжьааԥнытәи аинтернет аццакра аиҭашьақәыгыларазы. Аамҭа кьаҿ иалагӡаны апроблема аӡбара алыршахоит», - ҳәа Аԥсныпрес акорреспондент иҿцәажәо адырра ҟарҵеит амобилтә еимадара Аилазаара «А-Мобаил» ауаажәларра рымадаразы аҟәша аҿы.
05.Жәабран.2024
Илеиз аӡымҭҟьар афымцамхылдызтә цәқәырԥақәа рымҩангагақәа ааха рынаҭеит.
Аҟәа. Жәабранмза 5, 2024 шықәса. Аԥсныпресс. 5 нызықь кубометр инарзынаԥшуа аӡымҭҟьар ҩарқәа леит амҽыша ауха, жәабранмза 4 рзы акацар «Дагомыс – Лоо» иахьаҵанакуа.
«Адәыӷбақәа рныҟәара аанкылара анаҩс, аӡымҭҟьар ҩарқәа рлеира аинтернет аиқәыршәаҩцәа рфымцамхылдызтә цәқәырԥақәа рцәаҳәеизак ааха анаҭеит. Убри инамаданы аҩнытәии амобилтәии аинтернет аусураҿы аиԥҟьарақәа цәырҵуеит.
