Аҩбатәи акурс акурсантцәа амцарцәаҩцәеи аиқәырхаҩцәеи рыҟәшеиҵақәа русура деилдыркаауеит, аԥшьбатәи акурс аҿы аҵара зҵо ракәзар – акарулқәа рнапхгаҩцәа ирыцны уахгьи-ҽынгьи имҩаԥысуа аԥыԥшра рҽаладырхәуеит.
18.Ажьырныҳәа.2024
Урыстәыла Иҷыдоу аҭагылазаашьақәа рзы Аминистрра иатәу апрофильтә ҵараиурҭақәа рҿы аҵара зҵо аԥснытәи акурсантцәа ареспублика ахылаԥшырҭа аҿы апрактика иахысуеит.
Аҟәа. Ажьырныҳәамза 18, 2024 шықәса. Аԥсныпресс. Уаанӡа ишьақәырӷәӷәаз аҵаратә план инақәыршәаны, Урыстәыла Иҷыдоу аҭагылазаашьақәа рзы Аминистрра иатәу апрофильтә ҵараиурҭақәа рҿы аҵара зҵо аԥснытәи 2, 4-тәи акурсқәа ркурсантцәа Аԥсны аԥсеиқәырхаратә Хылаԥшырҭа араионтә ҟәшеиҵақәа рҿы амаҵзуратә практика иахысуеит, ҳәа адырра ҟанаҵоит Иҷыдоу аҭагылазаашьақәа рзы Аминистрра апресс-маҵзура.
