Аусмҩаԥгатә аартра иазку аныҳәатә церемониа мҩаԥгахоит ажьырныҳәамза 17 рзы. Уи алагоит асааҭ 18:00 рзы аҟазара Ахан аҿы. Адырҩаҽны анапылампыл азы аспорттә еиԥыларақәа мҩаԥгахоит. Ажьырныҳәамза 19 рзы - амцарцәаратә спорт азы аицлабрақәеи аӷбашаха ахара рзы аиҩызаратә еиԥылареи. Атурнир хыркәшахоит ажьырныҳәамза 20 рзы имҩаԥгахо ашьапылампыл-маҷ азы аиндаҭларала. Иара убри аҽны аихшьаалақәа ҟаҵахоит, аиааира згаз аҳамҭақәа ранашьахоит.
15.Ажьырныҳәа.2024
Аԥснытәи амцарцәаҩцәа Бобруиск имҩаԥысуа иаарту атурнир рхы аладырхәраны иҟоуп.
Аҟәа. Ажьырныҳәамза 15, 2024 шықәса. Аԥсныпресс. Бобруиск ақалақь аҿы имҩаԥысраны иҟоуп есышықәса еиҿкаахо амцарцәаҩцәа-аԥсеиқәырхаҩцәа рыҟәшеиҵақәа рыбжьара иаарту атурнир. Уи азы адырра ҟанаҵоит аинформациатә Маҵзура «БЕЛТА».
Атурнир абар шьҭа 20-нтәи имҩаԥысуеит ажьырныҳәамза 17 - 20 рзы. Уи азанааҭтә ныҳәа – Аԥсеиқәырхаҩ Имш иазкхоит.
Атурнир иалахәхоит Белоруссиа, Урыстәыла, Аԥсны, Аахыҵ Уаԥстәыла рҟынтәи 14 командак. Урҭ еиуеиԥшым аиндаҭларақәа: анапылампыл, ашьапылампыл-маҷ, амцарцәаратә спорт, уҳәа рҿы еицлаблоит.
