Аҟәа. Ажьырныҳәамза 9, 2023 шықәса. Аԥсныпресс. Амилициа аусзуҩцәа Очамчыра инхо, 1992 шықәсазы ииз Марганиа Емиль Оҭар-иԥа анаркотик рацәа имхуп ҳәа аанацҳауеит Аԥсны аҩныҵҟатәи аусқәа Рминистрра апресс-маҵзура. Аҩныҵҟатәи аусқәа Рминистрра аексперт-криминалисттә Центр иҟанаҵаз аҭҵаара инақәыршәаны, ахаҵа идырбалаз анаркотикатә маҭәашьар «мефедрон» акапан 3 грамм рҟынӡа инаӡоит.
Емиль Марганиа Гагра араион аҩныҵҟатәи аусқәа Русбарҭа ашьаусԥшааратә ҟәша аусзуҩцәа Гагра ақалақь иахьаҵанакуа ареидтә усмҩаԥгатәқәа рымҩаԥгараан даанкылан.
Анаҩс аҭира хықәкы амамкәа зыкапан рацәоу анаркотикатә маҭәашьар изакәанымкәа аахәара, адгалара, аиагареи аҵәахреи рзы игәҩароу иганахьала ихацырку ашьаусеилыргара мҩаԥнагоит Аԥсны Аҳәынҭқарра арратә прокуратура. Емиль Марганиа аусеилыргаанӡатәи аусҭҵаара амҩаԥгара аамҭа азы аҩнытә баандаҩра иқәҵоуп.
