Аганқәа ииасуа ашықәс азы аԥсны-урыстәылатәи аусеицура аихшьаалақәа ҟарҵеит. Аҩ-ҳәынҭқаррак рхадацәа иалыркааз ахырхарҭақәа рыла аиҩызара шьаҭас иаманы еиуеиԥшым аусхкқәа рҿы ишьақәгылаз аусеицура шьаҿа-шьаҿалатәи аҿиареи аҳәаақәа рырҭбаареи ахәшьара ҳаракы арҭеит.
Актуалра злоу аҩганктәи амшхәаԥштә зҵаарақәа рыӡбара амҩаԥысшьа иалацәажәеит.
Аиқәшәара аԥсны-урыстәылатәи аизыҟазаашьақәа иақәшәо аиҩызаратәи аилибакааратәи аҟазшьа аманы имҩаԥысит.
