Аԥсны адәныҟатәи аусқәа Рминистрра ахада иара убас Шьамтәылатәи Арабтәи Ареспублика Арратә Ахьӡ-Аԥша Амузеи даҭааит. Иара агәалашәара Ашәҟәы аҿы анҵамҭа аанижьит.
12.Ԥхынҷкәын.2023
Инал Арӡынба усуратә визитла Шьамтәыла дыҟоуп.
Аҟәа. Ԥхынҷкәынмза 12, 2023 шықәса. Аԥсныпресс. Аԥсны адәныҟатәи аусқәа рминистр Инал Арӡынба аҩганктәи, аԥсны-шьамтәылатәи амшхәаԥштә иаҵанакуа жәларбжьаратәи азҵаарақәа рылацәажәаразы Шьамтәылатәи Арабтәи Ареспублика ахь дцеит, ҳәа адырра ҟанаҵоит Аԥсны адәныҟатәи аусқәа Рминистрра Амедиацентр.
Аҩаша, ԥхынҷкәынмза 12 рзы, Инал Арӡынба Дамаск ақалақь аҿы иҟоу Идырым Асолдаҭ ибаҟа даҭааит, уаҟа уи атәыла ахақәаиҭреи ахьыԥшымреи зхы ақәызҵаз Шьамтәыла Афырхацәа ҳаҭырла игәалаиршәеит.
