Шәаргьы шәколлегацәагьы - атәыла иапатриотцәоу, аԥышәа змоу профессионалцәоуп. Оперативла имҩаԥыжәго шәусура иабзоураны, ауаажәларра Урыстәылеи адунеи зегьы аҟни имҩаԥысуа  азы ииашоу иактуалтәу аинформациа роуеит.

Аԥсынтәылеи амедиагәыԥ «Урыстәыла иахьа» аусзуҩцәеи анапхгареи ирыбжьоу аиҩызаратә еизыҟазаашьақәа ахә амаӡам. Агәра згоит, арҭ аизыҟазаашьақәа аԥхьаҟагьы ишрыцҵахо, хыԥхьаӡара рацәала хәарҭара злоу апроектқәа ҳажәларқәа ишрыднагало.

Шәаргьы «Урыстәыла иахьа» аколлекив зегьи ишәзеиӷьасшьоит арҿиаратә еихьӡарақәа, агәабзиара, агәамч, аизҳазыӷьара. Шәара шәусуреи амедиаиндустриаҟны шәлагалеи ажәлар акыршықәсала информациала реиқәыршәара аус иацхраалааит».