«Ҳара имҩаԥаагахьеит ашьаылампыл азы аматчқәа, анардқәеи астолтә ԥкьаҭмпыл азы ачепионатқәа, иара убас Пицундатәи аипподром аҿы аҽырыҩрақәа еиҿаҳкаахьеит.  Арҭ аусмҩаԥгатәқәа зегьы рхықәкы хаданы иҟоу – згәабзиара алшарақәа ԥку ауаа ауаажәларрахь ринтеграциа алыршара ауп, избан акәзар, урҭ рмотивациеи ренергиеи ахшыҩзышьҭра аҭара ахәҭоуп. Аԥкьаҭмпыл азы атурнир изныкымкәа  имҩаԥысхьеит Аҟәа ақалақь аҿы»,  – ҳәа иазгәеҭеит Борис Казанба. 

Иара иҭабуп иҳәеит Аԥсны астолтә ԥкьаҭмпыл Афедерациа атурнир аиҿкаараҿы иҟанаҵаз ацхырааразы.

Атурнир рхы аладырхәит Гагра, Гәдоуҭа, Аҟәа, Гәылрыԥшь, Очамчыра араионқәа рхаҭарнакцәа.