Аԥснытәи аспортсменцәа азыҟаиҵоит Аԥсны косики карате Афедерациа апрезидент, Аԥсны зҽаԥсазтәыз азыҟаҵаҩ Демис Адлеиба.
21.Абҵара.2023
Сандро Киути Альберт Кирокосиани косики карате азы Урыстәылазегьтәи атурнир аҿы аԥхьахәқәа ргеит.
Аҟәа. Абҵарамза 21, 2023 шықәса. Аԥсныпресс. Аԥснытәи акаратистцәа косики карате азы Урыстәылазегьтәи атурнир аҿы аԥхьахәқәа ргеит. Альберт Кирокосиан аҩбатәи аҭыԥ ааникылеит, Сандро Киут – ахԥатәи аҭыԥ, ҳәа адырра ҟанаҵоит Аԥсны аҿари аспорти русқәа рзы аҳәынҭқарратә Еилакы.
Атурнир мҩаԥысуан абҵарамза 18 – 19 рзы Москватәи аобласт Ногинск ақалақь аҿы. Аицлабрақәа иралыхәын Урыстәыла арегионқәа зегьы рҟынтәи 500-ҩык инареиҳаны аспортсменцәа.
