«Иазгәаҳҭар ҳҭахуп аҳәынҭқарра амедицина ипрецедентдоу афинанстә лагалақәа шыҟанаҵо, ас еиԥш иҟан акороновирустә ҿкы чымазара аамҭазы, иахьагьы Ареспубликатә хәышәтәырҭеи егьырҭ амедицинатә усбарҭақәеи мҽхакы ҭбаала афинанстә лагалақәа роуеит. Ҷыдала иҭабуп ҳәа расҳәарц сҭахуп амеценатцәа, урҭ иҳарҭаз адгыларала иахь араҟа интенсиву атерапиа азы апалата аусура иалагеит», - ҳәа иҳәеит агәабзиарахьчара аминистр Едуард Быҭәба.
20.Абҵара.2023
Ареспубликатә хәышәтәырҭа акардиологиа аҟәша аҿы иаатит интенсиву атерапиа азы апалата.
Аҟәа. Абҵарамза 20, 2023 шықәса. Аԥсныпресс. Ареспубликатә хәышәтәырҭа акардиологиа аҟәша аҿы иаатит интенсиву атерапиа азы апалата, ҳәа адырра ҟанаҵоит агәабзиарахьчара Аминистрра апресс-маҵзура.
Интенсиву апалата азы иаахәоуп афымцакардиографқәа ҩба, адефибриллиатор, уахыки ҽнаки рыла ашьақәыӷәӷәара аҩаӡара узырбо амонитор, уахыки ҽнаки рыла афымцакардиограмма арбагақәа зныло амониторқәа.
