14.Абҵара.2023
Аԥснытәи ашахматистцәа аиҩызаратә онлаин-матч аҿы никарагуатәи аспортсменцәа ириааит.
Аҟәа. Абҵарамза 14, 2023 шықәса. Аԥсныпресс. Аԥснытәи ашахматистцәа аиҩызаратә онлаин-матч аҿы никарагуатәи аспортсменцәа ириааит. Аматч мҩаԥысуан абҵарамза 13 рзы, уи асчиот 6:2 ҳәа ихыркәшахеит, ҳәа адырра ҟанаҵоит Аԥсны аҿари аспорти русқәа рзы аҳәынҭқарратә Еилакы.
Аԥсны акоманда ахьӡала иқәгылеит Ҭемыр Зыхәба, Альберт Карапетиан, Руслан Ӡиаԥшьба, Сарида Лакәатаа.
