Ахәҭакахьала, аҳәынҭқарратә ԥсҭазаареиҿкаара иадҳәалоу ихадоу аобектқәа ринфраструктура ахь узланеиуа амҩақәа аркын, ашәарҭадара ауснагӡатәқәа дырӷәӷәеит, иара убас аҭыԥ аҿы аԥшыхәра мҩаԥган. Имҩаԥгаз аусмҩаԥгатәқәа аихшьаалақәа рыла уи аԥхьа иҟалаз аинформациа макьаназы акала ишьақәырӷәӷәамхаӡеит.
09.Абҵара.2023
Аҳәынҭқарратә шәарҭадара Амаҵзура: Азанҭа ақыҭан бџьарла еибыҭоу агәыԥ рзы аинформаци макьаназы акала ишьақәырӷәӷәам.
Аҟәа. Абҵарамза 9, 2023 шықәса. Аԥсныпресс. Аԥсны аҳәынҭқарратә шәарҭадара Амаҵзура атәылахьчара Аминистрреи Аҳәынҭқарратә хьчара Амаҵзуреи аҩныҵҟатәи аусқәа Рминистрреи рыцырхырааны абҵарамза 8 – 9 рзы Гәылрыԥшь араион Азанҭа ақыҭа аиланхарҭа ҭыԥ азааигәара бџьарла еибыҭоу агәыԥ ыҟазар ҟалоит ҳәа аоперативтә информациа аиҭагәаҭара иазкны аумҩаԥгатәқәа ркомплекс нарыгӡеит, ҳәа адырра ҟанаҵоит Аԥсны аҳәынҭқарратә шәарҭадара Амаҵзура апресс-маҵзура.
