Аиԥылара аҿы аганқәа актуалра злоу аҩганктәи амшхәаԥштә зҵаарақәа ирылацәажәеит, алицензиа-зинҟаҵаратә усура аганахьала акадрқәа разыҟаҵареи анапхгарабжьаратәи усеицура азинтә шьаҭақәа рышьақәыргылареи уахь иналаҵаны.
25.Жьҭаара.2023
Роберт Киут Урыстәылатәи Афедерациа амилаҭтә гвардиа архәҭақәа Рфедералтә маҵзура адиректор ихаҭыԥуаҩ Олег Плохим диԥылеит.
Аҟәа. Жьҭаарамза 25, 2023 шықәса. Аԥсныпресс. Москва ақалақь аҿы Аԥсны аҩныҵҟатәи аусқәа рминистр, аинрал-маиор Роберт Киути Урыстәылатәи Афедерациа амилаҭтә гвардиа архәҭақәа Рфедералтә маҵзура адиректор ихаҭыԥуаҩ, астат-маӡаныҟәгаҩ, Урыстәылатәи Афедерациа амилаҭтә гвардиа акомандаҟаҵаҩ Хада, аинрал-полковник Олег Плохими реиԥылара мҩаԥысит, ҳәа адырра ҟанаҵоит Аԥсны аҩныҵҟатәи аусқәа Рминистрра апресс-маҵзура.
