Аҟәа. Жьҭаарамза 25, 2023 шықәса. Аԥсныпресс. Жьҭаарамза 25 рзы аминистр иабжьгаҩ хада Инал Маршьан напхгара зиҭо Аԥсны аҩныҵҟатәи аусқәа Рминистрра ауаажәларратә шәарҭадара Аусбарҭа аделегациа Риазантәи аобласть ала Росгвардиа алицензиа-зинҭаратә усура Ацентр иаҭааит. Абри атәы аанацҳауеит атәыла аҩныҵҟатәи аусқәа Рминистрра апресс-маҵзура.
Аԥсны аҩныҵҟатәи аусқәа Рминистрра ахаҭарнакцәа Риазантәи аобласть ала Росгвардиа алицензиа-зинҭаратә усура Ацентр амаҵзуратә усура шымҩаԥысуа гәарҭеит.
Аԥсны аҩныҵҟатәи аусқәа Рминистрра ауаажәларратә шәарҭадара аусзуҩцәа апрофиссионалтә квалификациа ашьҭыхра хықәкыс иҟаҵаны Москваҟа ицеит.
