Урыстәылеи Аԥсни Рхадацәа реиԥылара, жьҭаарамза 4, Шәача ақалақь аҿы имҩаԥысраны иҟоуп.

03.Жьҭаара.2023

Урыстәылеи Аԥсни Рхадацәа реиԥылара, жьҭаарамза 4, Шәача ақалақь аҿы имҩаԥысраны иҟоуп.

Аҟәа. Жьҭаарамза 3, 2023 шықәса. Аԥсныпресс. Урыстәылатәи Афедерациа Ахада Владимир Путин ахаша, жьҭаарамза 4 рзы Аԥсны Аҳәынҭқарра Ахада Аслан Бжьаниа диԥылараны дыҟоуп, ҳәа адырра ҟанаҵоит Кремль апресс-маҵзура.

«Владимир Путини Урыстәыла аусуратә визитла иҟало Аԥсны Аҳәынҭқарра Ахада Аслан Бжьаниеи реиҿцәажәарақәа мҩаԥысраны иҟоуп. Иазԥхьагәаҭоуп еиуеиԥшым аусхкқәа рыла аҩганк еицырзыфеидоу аусеицура анаҩстәи аҿиара иадҳәалоу азҵаарақәа рылацәажәара», - ҳәа иаҳәоит адырраҭара аҟны.

Аслан Бжьаниеи Владимир Путини уаанӡатәи реиԥылара мҩаԥысит Шәача ақалақь, абҵарамза 12, 2020 шықәсазы.

Read 386 times - Аҩаша, 03 Жьҭаара 2023 22:05