Print this page
27.Цәыббра.2023

Аҳәынҭқарра Ахада аиубилеитә ныҳәақәа рыламҭалазы ақалақь-фырхаҵа Тҟәарчал даҭааит.

Аҟәа. Цәыббрамза 27, 2023 шықәса. Аԥсныпресс. Аԥсны Аҳәынҭқарра Ахада Аслан Бжьаниа ақалақь-фырхаҵа Тҟәарчал имҩаԥысуаз аныҳәатә усмҩаԥгатәқәа дрылахәын. Урҭ Аиааира амш 30 шықәса ахыҵра иазкын.

Тҟәарчал ақалақь Администрациаҟны аҳәынҭқарра Ахада аҳәынҭқарратә ҳамҭақәа ранашьара иазкыз аусмҩаԥгатә далахәын.

Аҳәынҭқарра Ахада Иусԥҟала Ахьӡ-Аԥша аорден II-и III-и аҩаӡарақәа ранашьан 16-ҩык Тҟәарчал ауааԥсыра:  ауаажәларратә, аҳәынҭқарратә усзуҩцәа, аибашьра аветеранцәа, арҵаҩцәа. Урҭ рыҩныҵҟа Ахьӡ-Аԥша аорден II аҩаӡара ианашьоуп Аԥсны Афырхаҵа, Леон иорден Амқәаб Лавренти иԥсҭазаара даналҵ ашьҭахь.

Анаҩс Ахада далахәын 1992-1993 шш. Аԥсны Аџьынџьтәылатә еибашьраҟны иҭахаз аибашьцәа р-Мемориали Владислав Арӡынба ибаҟеи рымҵан имҩаԥысыз агәалашәаратә усмҩаԥгатә.

Аусмҩаԥгатә иалахәын Ахада Иусбарҭа Анапхгаҩы Абесалом Кәарҷиа, Аԥсны Жәлар Реизара – Апарламент Аиҳабы Ашәба Лаша, адәныҟатәи аусқәа рминистр Инал Арӡынба, ауаажәларра рхаҭарнакцәа.

 


Read 439 times - Аԥшьаша, 28 Цәыббра 2023 21:24