Дауҭ Гәыблиа наҟ-ааҟ ҩыџьа реиндаҭлара «Mixed Martial Arts» азы Урыстәыла Ахраҿа агаразы атурнир аҿы иаиаара игеит.

24.Цәыббра.2023

Дауҭ Гәыблиа наҟ-ааҟ ҩыџьа реиндаҭлара «Mixed Martial Arts» азы Урыстәыла Ахраҿа агаразы атурнир аҿы иаиаара игеит.

Сухум. 24 сентября 2023. Апсныпресс. Дауҭ Гәыблиа наҟ-ааҟ ҩыџьа реиндаҭлара «Mixed Martial Arts» азы Урыстәыла Ахраҿа агаразы атурнир аҿы иаиаара игеит. Атурнир мҩаԥысуан цәыббрамза 22 – 23 рзы Омск ақалақь аҿы.

Аԥсны аҿари аспорти русқәа рзы аҳәынҭқарратә Еилакы иҟанаҵо адыррақәа рыла, Дауҭ Гәыблиа 77,1 кьыла иҟоу акапантә категориа аҿы Краснодартәи атәылаҿацә еизгоу акоманда аилазаараҿы дыҟоуп. Аспортсмен шәачатәи аклуб «Левша» аҿы Ашоҭ Ԥашиан инапхгарала иҿазыҟаиҵоит.

Актәи аиндаҭлара аҩбатәи араунд аҿы ахәаҽыга амаана ахархәарала иара дииааит Улиановсктәи аобласть аҟынтәи аспортсмен. Афиналбжатәи аиндаҭлара аҿы Омсктәи аспортсмен иганахьала ахәаҽыга –ахкәакь амаана мҩаԥган.

Афиналтә еиндаҭлараҿы Дауҭ Гәыблиа аҩбатәи араунд аҿы имҩаԥигаз ахәаҽыга маана ала Приморсктәи аспортсмен дииааит», - ҳәа иҳәеит Аԥсны Аҳәынҭқарра апрофессионалтә бокс Афедерациа апрезидент Альберт Карди-оглы.

Ахьтәы медал адагьы, Дауҭ Гәыблиа иреиӷьу атехниказы ахраҿа ианашьахеит.

Read 276 times - Ашәахьа, 25 Цәыббра 2023 11:56