Print this page
15.Цәыббра.2023

Ҭеимураз Хишба Ҟазахсҭан имҩаԥысуа Жәларбжьаратәи атуристтә форум ихы алаирхәраны дыҟоуп.

Аҟәа. Цәыббрамза 15, 2023 шықәса. Аԥсныпресс.  Аминистр Ҭеимураз Хишба напхгара зиҭо Аԥсны атуризм Аминистрра аделегациа I Жәларбжьаратәи атуристтә форум «Иҭышәынтәалам адунеи аҿы аҭышәынтәалоу атуризм аҿиара астратегиа», иара убас атуроператорцәа жәларбжьаратәи рконгресс  «Жәларбжьаратәи атуристтә џьармыкьа ҳаамҭазтәи аҭагылазаашьақәа рҿы атрансфрмациа, аҿиареи апартниорреи рперспективақәа» рылахәхаразы  Ҟазахсҭан, ақалақь Актау аҟынӡа инаӡеит.

Аделегациа аилазаараҿы иҟоуп аминистр ихаҭыԥуаҩ Дмитри Занҭариеи «Аԥсны-урыстәылатәи атуристтә ассоциациа» ахантәаҩы Ҭарашь Хытабеи.

І Жәларбжьаратәи атуристтә форум аусуратә программа  иалагалоуп апартниорра апринцип хадақәеи ирласны зҽеиҭазкуа аџьармыкьа акониуктура ҳасаб азуны аусуратә еикәыршареи, ахырхарҭа рацәала Урыстәыла адиалог абжьаҵареи аҿиареи иазҿлымҳау апартниорцәеи аҳәынҭқаррақәеи рыла аекономикатә еимадара арӷәӷәара, атуризм аусхкы иҭышәынтәалоу аҿиара аҿы ҷыдала аҵакы змоу аперспектива злоу апроектқәеи аԥшьгарақеи рылацәажәара.  

 


Read 199 times - Ахәаша, 15 Цәыббра 2023 16:02