Харитон Агрба Алада Африкатәи Ареспублика аспортсмен Ксолисани Ндонгени дииааит.

28.Нанҳәа.2023

Харитон Агрба Алада Африкатәи Ареспублика аспортсмен Ксолисани Ндонгени дииааит.

Аҟәа. Нанҳәамза 28, 2023 шықәса. Аԥсныпресс. Харитон Агрба Москава азааигара иҟоу Серпухов ақалақь аҿы имҩаԥысыз абокс ахәылԥаз «IBA ачемпионцәа рыҵх» аҿы аӡбаҩцәа еицҿакны ирыдыркылаз аӡбамҭа инақәыршәаны, Африкатәи Ареспублика аспортсмен Ксолисани Ндонгени дииааит. Абри азы адырра ҟанаҵоит Аԥсны аҿари аспорти русқәа рзы аҳәынҭқарратә Еилакы.

«IBA ачемпионцәа рыҵх» (IBA Champions' Night) – ари 2022 шықәса инаркны Жәларбжьаратәи абокс Ассоциациа (IBA) ахылаԥшрала имҩаԥысуа атурнирқәа рсериа ауп. Асериа «Ачемпионцәа рыҵх» атурнирқәа рҿы еиндаҭлоит адунеи иреиӷьу абоксиорцәа, урҭ апрофессионалтә бокс аԥҟарақәа рыла аиндаҭларазы еиԥылоит.

Ари атурнир традициала ишаԥу еиԥш адунеи зегьы аҿы нанҳәамза 27 рзы иазгәарҭо Жәларбжьаратәи абокс Амш азгәаҭара инамаданы еиҿкаан.

Read 205 times - Ахәаша, 08 Цәыббра 2023 19:04