Урыстәылатәи аиуристтә хаҿқәа рыла иалаҵахо арзаҳалқәа зегьы Аԥсны Аҳәынҭқарреи Урыстәылатәи Афедерациеи рыбжьара асоциал-економикатә усеицура азы Анапхгарабжьаратәи Акомиссиа ацхантәаҩцәа рыӡбамҭала анаҩс урыстәылатәи аиуристтә хаҿы икандидатура алкааразы ажәалагалақәа реиқәыршәара азы аԥсны-урыстәылатәи Акомиссиа аҿы ахәаԥшра ахәҭаны иҟоуп.   

Урыстәылатәи аиуристтә хаҿқәа рҟынтәи азыҳәамҭақәа Урыстәылатәи Афедерациа аекономикатә ҿиара Аминистрреи Аԥсны аекономика Аминистрреи рыҟны цәыббрамза  15, 2023 шықәсанӡа ирыдыркылалоит.   

«Аҟәатәи аҳаирбаӷәаза аиҭашьақәыргылара – Аԥсны азы аҭоурыхтә хҭысны иҟоуп. Аҳаирбаӷәаза аус амуеижьҭеит абар шьҭа 30-шықәса ҵуеит.  Ари афакт ареспублика аусуратәи атуристтәи усхкқәа рыҿиара ӷәӷәала иааннакылоит.  Урыстәыла азы аҳаирбаӷәаза ҿыц аамҭакала ихадоу ҩ-зҵаарак рыӡбара алнаршоит – иахьатәи амш азы Урыстәыла атәылауаа рзы   Аԥсныҟа рааразы ихадоу ҭыԥқәаны иҟоу Шәачатәи аҳаирбаӷәазеи ганрацәалатәи автомашьынатә аужьҭра-гәаҭаратә пункт  «Адлер» рҟынтәи ӷәӷәала ирымоу ақәыӷәӷәара амнахуеит», - ҳәа Сенкт-Петербург ақалақь аҿы аҟәатәи аҳаирплан азы аиқәшаҳаҭра анапаҵыҩра ацеремониа аҿы иҳәеит  Урыстәылатәи Афедерациа аекономикатә ҿиара аминистр Максим Решетников.

«Иарбоу аинвестициатә проект анагӡара Аԥсны аекономика аҿиара акыр хра злоу анырра анаҭоит.  Ҳара агәра ганы ҳаҟоуп аҳаирбаӷәаза аус алагара атуристцәа рзы ареспублика атранспорттә наӡара аҩаӡара ашьҭыхра, иара убас  ҳтәыла жәларбжьаратәи атранспорт-логистикатә система аҿы алшарақәа рышьҭыхра  шалнаршо», - ҳәа инаҵшьны иазгәалҭеит аԥсуа ган аҟынтәи Аиқәшаҳаҭра знапы аҵазҩыз Аԥсны аекономика аминистр Кристина  Озган.