Ауаа хабарда рыбжьаӡра еиуеиԥшым амзысқәа амазар ауеит. Аха ишыҟазаалакгьы, мчымхарала ауаҩы ибжьарӡра ауаҩы изинқәа жәпакы еиланагоит: аԥсҭазааразы азин, ахақәиҭразы азин, ахазхаҭалара, уҳәа жәларбжьаратәи азин анормақәа рыла ишьақәыргылоу егьырҭ ауаҩы изинқәа.
Аԥсны 1992 – 1993шш. рзы имҩаԥысуаз аибашьра иахҟьаны хабарда ибжьаӡит ҳәа иԥхьаӡан 200 – ҩык инареиҳаны. 120 ҭаацәара инареиҳаны иахьа-уажәраанӡа зыԥсыбаҩ рымԥшаац, мамзаргьы зхаҭара шьақәыргылам рыԥҳацәа, рыҷкәынцәа рзы изеиԥшразаалак аинформациа иазыԥшуп.
