Николаи Патрушев Сергеи Шамба Урыстәылатәи Афедерациа ала Аԥсны ахьыԥшымра азхаҵара Амшныҳәа идиныҳәалеит.

25.Нанҳәа.2023

Николаи Патрушев Сергеи Шамба Урыстәылатәи Афедерациа ала Аԥсны ахьыԥшымра азхаҵара Амшныҳәа идиныҳәалеит.

Аҟәа. Нанҳәамза 25, 2023 шықәса. Аԥсныпресс. Урыстәылатәи Афедерациа Ашәарҭадара Ахеилак Амаӡаныҟәгаҩ Николаи Патрушев Аԥсны ашәарҭадара Ахеилак Амаӡаныҟәгаҩ Сергеи Шамба Урыстәылатәи Афедерациа ала Аԥсны Ахьыԥшымра азхаҵара Амш идиныҳәалеит.

«Ҳаҭыр зқәу Сергеи Мирон-иԥа! Ишәыдысныҳәалоит Урыстәылатәи Афедерациа ала Аԥсны Ахьыԥшымра азхаҵара ҟалеижьҭеи 15-шықәса аҵра Амш.

Ари апериод азы аиҿкаара бзиа иабзоураны ҳҳәынҭқаррақәа рыбжьара амилаҭтә шәарҭадара ашьақәыргылара иазкны аеффективра злоу аусеицура мҩаԥган.

Аус ҭакԥхықәрала профессионалла азнеира аринахысгьы Урыстәылатәи Афедерациеи Аԥсны Аҳәынҭқарреи ршәарҭадара Ахеилакқәа рыбжьара ганарацәала аусеицура аҳәаақәа рырҭбаара ишацхраауа, иара убас аҩ-ҳәынҭқаррак рыжәларқәа реизҳазыӷьара иазку аиҩызаратә еимадара шарӷәӷәо азы агәра ганы сыҟоуп», - ҳәа иаҳәоит адныҳәаларатә цҳамҭа аҿы.

Николаи Патрушев Сергеи Шамба изеиӷьаишьеит агәабзиара, игәҭакқәа зегьы рынагӡараҿы аманшәалара.

Read 606 times - Ахәаша, 25 Нанҳәа 2023 14:32