Аҭоуба ашьҭаҵара иазку аныҳәатә усмҩаԥгатә мҩаԥысит Аҟәа ақалақь Ахақәиҭра Ашҭаҿы.
Урыстәыла Иҷыдоу аҭагылазаашьақәа рзы Аминистрра апрофильтә ҵараиурҭақәа рҿы Аԥсны атәылауаа аҵара рҵоит 2011 шықәса раахыс.
15.Нанҳәа.2023
Аԥснынтәи жәаҩык абитуриентцәа Урыстәыла Иҷыдоу аҭагылазаашьақәа рзы Аминистрра апрофильтә ҵараиурҭақәа ирҭалеит.
Аҟәа. Нанҳәамза 15, 2023 шықәса. Аԥсныпресс. Ааҩык арԥарцәеи ҩыџьа аҭыԥҳацәеи апсихологиатә тестқәа ирхысны, аԥышәарақәа анырҭи ашьҭахь, Урыстәылатәи Афедерациа Иҷыдоу аҭагылазаашьақәа рзы Аминистрра иатәу абылрацәыхьчаратә маҵзура Академиеи атәылауаҩратә хьчара Академиеи ирҭалеит, ҳәа адырра ҟанаҵоит Аԥсны Иҷыдоу аҭагылазаашьақәа рзы Аминистрра апресс-маҵзура.
