Аԥсны аҩныҵҟатәи аусқәа Рминистрра аамҭалатәи аусеилыргаанӡатәи аԥхьакырҭа аҟынтәи абналара афакт ала аоператив-ԥшааратә усмҩаԥгатәқәа мҩаԥысуеит.

14.Нанҳәа.2023

Аԥсны аҩныҵҟатәи аусқәа Рминистрра аамҭалатәи аусеилыргаанӡатәи аԥхьакырҭа аҟынтәи абналара афакт ала аоператив-ԥшааратә усмҩаԥгатәқәа мҩаԥысуеит.

Аҟәа. Нанҳәамза 14, 2023 шықәса. Аԥсныпресс. Аԥсны аҩныҵҟатәи аусқәа Рминистрра аоперативтә ҟәшеиҵақәа нанҳәамза 13 рзы Аамҭалатәи аусеилыргаанӡатәи аԥхьакырҭа аҟынтәи ибналаз Гурген Киракосиан иаанкыларазы аԥшааратә усмҩаԥгатәқәа мҩаԥыргоит, ҳәа адырра ҟанаҵоит Аԥсны аҩныҵҟатәи аусқәа Рминистрра апресс-маҵзура.

1988 шықәсазы ииз Киракосиан Гурген Арменак-иԥа Аԥсны Ашьауӷатә Закәанеидкыла ахәҭаҷ 99 ахәҭа 1 (Ауаҩшьра), иара убас ахәҭаҷ 217 ахәҭа 1 (иҭҟьо амцабџьар изакәанымкәа аҵәахреи аныҟәгареи) инарықәыршәаны ахара идҵан. Уи ахьырхәра аҳасабала ирӷәӷәоу арежим змоу акалониа аҿы 15 шықәса ҭакрала ахгара иқәҵан.

Иарбоу афакт ала амаҵзуратә гәаҭара мҩаԥысуеит. Зус ӡбоу Киракосиан Гурген Арменак-иԥа иаанкыларазы аоператив-ԥшааратә усмҩаԥгатәқәа иацҵахоит.

Read 315 times - Аҩаша, 15 Нанҳәа 2023 00:43