Иарбоу административтә зинеилагара азы аматериалқәа зегьы Аԥсны аҳәынҭқарратә ҳазылхратә Еилакы аҭҵаареи аҳазылхратә усеилыргарақәеи рыҟәша ахь инашьҭуп.
01.Нанҳәа.2023
Аԥсны аҳазылхратә ҭыԥ «Ԥсоу» аҿы асигаретқәа рпартиа ду изакәанымкәа аиагара аҽазыршәара аԥхьырҟәҟәаара алыршахеит.
Аҟәа. Нанҳәамза 1, 2023 шықәса. Аԥсныпресс. Аԥсны аҳәынҭқарратә ҳазылхратә Еилакы акәантрабати аҳазылхартә зинеилагарақәеи рҿагыларазы аҟәша аусзуҩцәа «Експорт» ахырхарҭаҿы амашьыналасқәа рҳазылхратә гәаҭареи арежими рзона аҿы Урыстәыла атәылауаҩ зыԥсҟы икыз амашьына ааныркылеит.
Аидараҭыԥи амашьына асалон ашьҭахьтәи ахәҭеи ргәаҭараан иаарԥшын амхрагьы мҩаԥган 49 600 цыра асигареҭ, уи аҟазаара азы ишьақәыргылоу аформала адырра ҟаҵамызт.
