Print this page
28.Ԥхынгәы.2023

Алхас Кәыҵниа Аԥснынтәи инеиз ахәыҷқәа идикылеит.

Аҟәа. Ԥхынгәымза 28, 2023 шықәса. Аԥсныпресс. Урыстәыла иҟоу Аԥсны ацҳаражәҳәаҩ Алхас Кәыҵниа Москваҟа, ахәыҷқәеи ахбыџқәеи рзы аԥхынтәи ақалақьтәи аклуб «Аиааира Аԥхынра» ахь иааз аԥснытәи ахәыҷқәа дырԥылеит.   

Аԥхынтәи аклуб Поклоннаиа гора ҳәа изышьҭоу аҭыԥ аҿы иҟоу атәыла Ихадоу арра-ҭоурыхтә Аиааира Амузеи абазала иаԥҵоуп.  

Алхас Кәыҵниа ахәыҷқәа Ацҳаражәҳәарҭа аусура атәы рзеиҭеиҳәеит, Аԥсны Аҳәынҭқарра адипломтцәа аус ахьыруо аҭоурыхтә хыбра аҩныҵҟа аекскурсиа мҩаԥигеит, иара убас 1941-1945 шш. Аџьынџьтәылатәи еибашьра Дуӡӡа аан Аԥсны жәлар иаадырԥшыз афырхаҵара агәалашәара иаҵоу аҵакы хада атемала ахәыҷқәа дрыҿцәажәеит.  

Алхас Кәыҵниа иара убас агәыԥ анапхгаҩцәа еиҵагыло абиԥара ртәылауаҩра-патриоттә ааӡара иаҵоу аҵакы азы дрыҿцәажәеит.


Read 521 times - Ахәаша, 28 Ԥхынгәы 2023 16:53