Аҟәа. Ԥхынҷкәынза 27, 2023 шықәса. Аԥсныпресс. Аминистрцәа Реилазаара ақәҵарала Ранета Биџьева аҳәынҭқарратә нхаратә фонд аҟынтәи ахатәра аҳасабала илыҭахо анхарҭа ахәԥса ашәаразы азинҷыда лыҭахоит.
Ранета Биџьева – Урыстәылатәи Афедерациа Лугансктәи Жәлартә Республика ицо аибашьра аҿы иҭахаз арепатриант Казбек Биџьев иԥшәмаԥҳәыс лоуп. Лара аҳәынҭқарратә нхаратә фонд аҟынтәи ахатәра аҳасабала илыҭахо, Гәылрыԥшь араион, Маҷаоа ақыҭа, Далтәи амҩа, аҩны № 2, ауада №2 ала иҟоу анхарҭа ахәԥса ашәара аҟынтәи зынӡа лхы дақәыиҭхоит.
Анхарҭа ахәԥса ашәара аганахьала азинҷыда иоуеит иара убас Таифун Кәаӡба.
Таифун Кәаӡба аҳәынҭқарратә нхаратә фонд аҟынтәи ахатәра аҳасабала иҭахо, абри аҭыӡҭыԥ: Гәылрыԥшь араион, Аконституциа амҩа, аҩны № 13, ауада №29 ала иҟоу анхарҭа ахәԥса ашәара аҟынтәи зынӡа ихы дақәыиҭхоит.
