Аҟәа. Ԥхынгәамза 18, 2023 шықәса. Аԥсныпресс. Аҳәынҭқарра Ахада Аслан Бжьаниа Очамчыра ақалақь ахь иусуратә ҭаара аҳәаақәа ирҭагӡаны, ақалақь аԥшаҳәа аиқәыршәзаара иазку аусурақәа рымҩаԥысшьа гәеиҭеит.
3 нызықь ԥшьыркцатә метр рҟынӡа инаӡо аԥшаҳәа ахәҭак аҿы ашьаҟамҩақәа ахаҳәцәы ала ирчаԥахьеит. Уи иақәхарџьхаз аԥаратә хархәагақәа рзеиԥш еицҵалыҵ 5 млн. 250 нызықь мааҭ рҟынӡа инаӡоит. Уажәы ахаҳәцәы ашьҭаҵара мҩаԥысуеит Аконтитуциа ашҭа аҿы асасааирҭа «Амшынеиқәатә бырлаш» аганахьала.
Аԥшаҳәа иахьаҵанакуа еиҭаҳан атуиа ҳәа изышьҭоу аҵиаақәа, ишьақәыргылахеит агәам-сам ҭаԥсарҭақәа, арымӡқәа, иргылахеит аӡрыжәтә аазышьҭуа афонтан, еиуеиԥшым аскульптурақәа, арлашара мҩаԥгоуп.
Иара убас атренажиорқәа жәба рыла еиқәыршәоу аспорттә плошьдка аартын. Арҭ аусурақәа мшаԥымзазы ихацыркын. Апроект ахарџьынҵатә хәыԥса – 1 млн. 900 нызықь мааҭ рҟынӡа инаӡоит. Арҭ аԥаратә хархәагақәа аҭыԥантәи абиуџьет аҟынтәи иазоужьхеит.
