Авизит апрограмма аҿы иазԥхьагәаҭоуп ареспублика аминистрцәа рԥылареи 2023 шықәасзы аҵарадырра, акультура, аспорт, аҿартә политика, уҳәа аусхкы рҿы аҩҳәынҭқаррак аусеицура рыбжьаҵара азы аиқәшаҳаҭра анапаҵыҩреи.
18.Ԥхынгәы.2023
Аԥснытәи аделегациа Никарагуа иҟоуп.
Аҟәа. Ԥхынгәымза 18, 2023 шықәса. Аԥсныпресс. Аԥсны аԥыза-министр актәи ихаҭыԥуаҩ Беслан Џьопуеи аҳәаанырцәтәи аусқәа рминистр ихаҭыԥуаҩ Иракли Ҭыжәбеи зхадараҿы иҟоу аԥснытәи аделегациа Никарагуа Сандиниттәи ареволиуциа атриумф аныҟала инаркны 44 - шықәса аҵра азгәаҭара иазу аныҳәатә усмҩаԥгатәқәа рылаххаразы Никарагуаҟа ицеит, ҳәа иаанацҳауеит Аԥсны адәныҟатәи аусқәа Рминистрра Амедиацентр.
