- анаркотикатә хархәагақәеи арҩышьыгатә маҭәашьарқәеи изакәанымкәа реикәыршареи реиҭарсреи аҿагылара;
- хабарда ибжьаӡыз ауаа уахь иналаҵаны, зганахьала аусеилыргаратә ԥшаара хацырку ахаҿқәа рыҟазаара аҭыԥ ашьақәыргылара;
- иҭҟьо амцабџьар, арҭҟәацгақәеи атранспорттә хархәагақәеи уахь иналаҵаны, зыԥшаара иаҿу ирӷьычыз атәым мазара азы аинформациала аимадара;
- амҩа-транспорттә шәарҭадара аиҿкаара.
Аиԥылара рхы аладырхәит Аԥсны аҩныҵҟатәи аусқәа рганахьала аминистр Роберт Киут, аминистр ихаҭыԥуаҩ Беслан Ҷкадуа, аминистр иабжьгаҩ хада Инал Маршьан. Урыстәыла аганахьала – Краснодартәи атәылаҿацә ала Урыстәыла аҩныҵҟатәи аусқәа Рминистрра аусбарҭа Хада анапхгаҩы ихаҭыԥуаҩ – Шәача ақалақь аҩныҵҟатәи аусқәа Русбарҭа аиҳабы Сергеи Огурцов, афедералтә ҵакыра «Сириус» ала Урыстәыла аҩныҵҟатәи аусқәа Рминистрра аҟәша анапхгаҩы Алеқсандр Куликов.
Аҳәаа иаԥну аҵакырақәа рҿы ацәгьоурақәа рыԥхьырҟәҟәаара, ауаажәларратә ҭышәынтәалареи ашәарҭадареи азинеиҿкаареи рышьақәыргылара хықәкыс иҟаҵаны асистематә усеицура ԥхынҷкәынмза 24, 2010 шықәса рзы Урыстәыла аҩныҵҟатәи аусқәа Рминистрреи Аԥсны Аҳәынҭқарреи аҩныҵҟатәи аусқәа русеицуразы ирыбжьарҵаз Аиқәшаҳаҭра аҳәаақәа ирҭагӡаны имҩаԥысуеит.
