Аслан Аиба: Гагра фымцалашарала аиқәыршәара 98% рҟынӡа еиҭашьақәыргылоуп.

13.Ԥхынгәы.2023

Аслан Аиба: Гагра фымцалашарала аиқәыршәара 98% рҟынӡа еиҭашьақәыргылоуп.

Аҟәа. Ԥхынгәымза 13, 2023 шықәса. Аԥсныпресс. Ареспубликатә Унитартә Наплакы «Амшынеиқәафымцамч» афымцалашарала аиқәыршәара иазку аобиектқәа реиҭашьақәыргылара иазку аусурақәа нарыгӡоит. Абри азы Аԥсныпресс акорреспондент диҿцәажәо адырра ҟаиҵеит Гагра араион Ареспубликатә Афымцатә Станциа аиҳабы Аслан Аиба.

«Лӡаа ақыҭан еиҭашьақәыргылатәуп 12 шьаҟа, иара убас звольҳараку афымцацәаҳәа анагара аанханы иҟоуп. Мышкы иалагӡаны арҭ аусурақәа зегьы хыркәшахоит», - ҳәа адырра ҟаҵеит Аслан Аиба.

Ареспубликатә Унитартә Наплакы «Амшынеиқәафымцамч» иҟанаҵо адыррақәа рыла, иҳаҩсыз амшқәа рзы авариатә маҵзурақәа рыла еиҭашьақәыргылахеит: Астанцеиҵа Гагра-1, Астанцеиҵа Гагра-2, Астанцеиҵа Гагра-3, ауадарацәа змоу аҩнеихагыла афымцалашарала аиқәыршәара, араҟа иԥхасҭахаз афысцамҩангага аҿыц ала ирыԥсахит. Иара убас Афымцацәаҳәа 0,4 кВ аҿы иҟоу аиԥҟьарақәа рырҽеира иазку аусурақәа мҩаԥгоуп.

Иахьа араион аенергосистема аиҭашьақәыргылара азы Аҟәантәи Гаграҟа инацҵаны иааган иҷыдоу атехника.

Read 334 times - Ахәаша, 14 Ԥхынгәы 2023 10:31