Аҟәа. Ԥхынгәымза 13, 2023 шықәса. Аԥсныпресс. 2023 шықәса актәи азыбжазы Аԥсны аҳәынҭқарратә шәарҭадара Амаҵзура аусзуҩцәеи Аԥсны иҟоу Урыстәылатәи Афедерациа ашәарҭаразы афедералтә Маҵзура Аҳәаахьчаратә Усбарҭеи рыла 400-ҩык инарзынаԥшуа аҳәаахьчаратә режим еилазгаз раанкылара алыршахеит. Абри атәы аанацҳауеит Аԥсны аҳәынҭқарратә шәарҭадара Амаҵзура апресс-маҵзура.
Аԥсны административтә зинеилагарақәа рзы Азакәанеидкыла ахәҭаҷ 190 «Аҳәаахьчаратә зона аҿы аҳәаахьчаратә режим аилагара»; ахәҭаҷ 1901 «Аԥсны Аҳәынҭқарра аҳәынҭқарратә ҳәаа арежим аилагара"; ахәҭаҷ 1902 «Аԥсны Аҳәынҭқарра аҩныҵҟатәи амшынтә ҵакырақәеи атерриториалтә мшыни рзы аҳәаахьчаратә режим аилагара»; рзы иаанкылоу атәылауаа административтә хьырхәра иақәыршәоуп.
Аԥсны Аҳәынҭқарра Аусеилыргаратә Закәеиндыла ахәҭаҷ 324, ахәҭа 1 иазԥхьагәанаҭо ацәгьоура «Аԥсны Аҳәынҭқарра аҳәынҭқарратә ҳәаа изакәанымкәа ахысра" азы ихацыркуп ф-усеилыргарак.
Еиуеиԥшым азкызаара змоу аидарақәа Аԥсни Қырҭтәылеи ирыбжьоу аҳәынҭқарратә ҳәаа рахгара азы аа-ҽазышәарак рыԥхьырҟәҟәаара алыршахеит: ирымхуп 600 блок инареиҳаны аҭаҭын аалыҵ, ф-цыра рҟынӡа амаининг азы ашьақәыргылагақәа.
Изакәаным аусура аиҿкаареи анагӡареи знапы алаку ауаа рганахьала Аԥсны Аҳәынҭқарра азакәанԥҵара инақәыршәаны азинтә ԥхықәра рыҭара иазку ауснагӡатәқәа мҩаԥгоуп.
