«Аҽыкәабаратә зонақәа ишьақәырӷәӷәоу анормақәа иахьынӡарықәшәо агәаҭара мҩаԥган. Иҟоу анормативқәа инагӡаны ирықәшәоит Афон Ҿыц ақалақь аҿы иҟоу аплиаж. Егьырҭ аплиажқәа ракәзар, урҭ рҭагылазаашьа азы аҭакԥхықәра зду ахаҿқәа рганахьала ахараԥсатә санкциақәа раҳасабала административтә уснагӡатәқәа мҩаԥгоуп», - ҳәа адырра ҟанаҵоит Аԥсны Иҷыдоу аҭагылазаашьақәа рзы Аминистрра апресс-маҵзура.
03.Ԥхынгәы.2023
Гәдоуҭеи Гагреи араионқәа рыплиажқәа ишьақәырӷәӷәоу анормақәа иахьрықәымшәо азы ахараԥса рыдҵоуп.
Аҟәа. Ԥхынгәымза 3, 2023 шықәса. Аԥсныпресс. Аԥсны Иҷыдоу аҭагылазаашьақәа рзы Аминистрра иатәу шәагаала имаҷу аӷбақәа рзы Аҳәынҭқарратә Инспекциа аусзуҩцәа Афон Ҿыц, Гәдоуҭа, Гагра, Пицунда ақалақьқәеи Цандрыԥшь аҳаблеи рҿы аплиажқәа ргәаҭара мҩаԥыргеит.
