«Жәларзегьтәи рыбжьыҭара (ареферендум) азы» Аԥсны Аҳәынҭқарра Азакәан инақәыршәаны, ареферендум Алхратә Комиссиа Хада ала аԥшьгаратә гәыԥ аилазаареи ареферендум ахь ицәыргахо азҵаареи ашәҟәҭагалара мҩаԥнагоит. Ашәҟәҭагаларазы анеиреи арзаҳал алаҵареи рнаҩс жәохәымш ирылагӡаны, ареферендум аԥшьгаратә гәыԥ ашәҟәҭагалара ишахысыз азы аршаҳаҭга аиуоит, уи алахәылацәагьы уи азы аршаҳаҭгақәа рыҭахоит.
27.Рашәара.2023
Алхратә Комиссиа Хада ахь ареферендум амҩаԥгаразы аԥшьгаратә гәыԥ ашәҟәҭагаларазы арзаҳал нашьҭуп.
Аҟәа. Рашәарамза 27, 2023 шықәса. Аԥсныпресс. Рашәарамза 27, 2023 шықәсазы Алхратә Комиссиа Хада ахь «Аԥсны Аҳәынҭқарра Ахада ҽҳәараанӡа иалхрақәа рымҩаԥгара хымԥадатәиуп ҳәа ишәыԥхьаӡома?» ҳәа азҵаарала ареферендум амҩаԥгаразы зеилазаара 36-ҩык рыла ишьақәгылоу аԥшьгаратә гәыԥ ашәҟәҭагаларазы арзаҳал нашьҭхеит. Абри азы Аԥныпресс ахь адырра ҟарҵеит Аԥсны Алхратә Комиссиа Хада аҟынтәи.
