Ашәахтәшәаҩ «хаҭалатәи икабинет» аҟынӡа алогини апароли рхархәарала анаӡаразы, ашәахтәшәаҩы ишәҟәҭагалара аҭыԥ ала иҟоу ашәахтә усбарҭа дадҵаалароуп. 

«Уажәазы ашәахтәшәаҩы хаҭалатәи икабинет анаӡаразы алшара рымоуп иалкаау акатегориа иаҵанакуа ашәахтәшәаҩцәа, ахәҭакахьала аиуристтә хаҿқәа. Ҳаԥхьаҟа уи акатегориақәа зегьы ирыҵанакуа ашәахтәшәаҩцәа рзы анаӡара алыршахоит, уи ашәахтәшәаҩцәа зегьы рзы иаку платформаны иҟалоит. Аиуристә хаҿқәа иахьа ашәахтәшәаҩы хаҭалатәи икабинет ахархәарала иназыцҵоу ахәԥса азы ашәахтә ала адекларациақәа рыҭаразы алшара рымоуп», – ҳәа иҳәеит Ҭенгиз Анқәаб.

Ашәахтәқәеи аизгақәеи Рминитрра асаит аҿы иҟалоит:

– ашәахтәшәаҩы хаҭалатәи икабинет аҭаларазы алогини апароли раиуразы арзаҳал аформа;

– ашәахтәшәаҩы хаҭалатәи икабинет ахархәаразы аинструкциа;

– ашәахтәаҩы хаҭалатәи икабинет аҿы «Иназыцҵоу ахәԥса азы ашахтә азы Адекларациа» аҟәша ахархәаразы аинструкциа.

Уажәазы ашәахтәшәаҩы хаҭалатәи икабинет аҿы анагӡара алыршахоит:

– Иназыцҵоу ашәахтә ахәԥса азы ашәахтә азы ашәахтә декларациа аҭареи ахаҿытә ҳасабырбатә усшәҟәы ахсаалага ахәаԥшреи.