Аҟәа. Рашәарамза 26, 2023 шықәса. Аԥсныпресс. Зҭакԥхықәра Ҳәаақәҵоу Аилазаара «СтройДом 2022» Ҭҟәарчал ақалақь аҿы хә-еихагылакны иҟоу аҩны ахыб аиҭашьақәыргылара иазку аусурақәа хнаркәшоит.
Горки имҩала игылоу аҩнеихагыла №1 ахыб 20 шықәса раахыс аиҭашьақәыргылара амбаӡацызт. Иҳараку ацәаакыра, лассы-ласы ақәоурақәа ирыхҟьаны – ажәытә шифер ԥҽит, ауаа рынхарҭақәа рахь аӡы кылсуа иалагеит. Ҭҟәарчал араион анапхгараҭара аганахьала ари аҩны аҿы инхо ахыб аиҭашьақәыргыларазы иҟарҵоз аҳәарақәа хшыҩзышьҭрада иаанымхаӡеит.
«Ҳара иазԥхьагәаҭаз аусурақәа зегьы рҟынтәи 98% рҟынӡа наҳагӡахеит. Апроект ахарџьхәыԥса - 6 млн. мааҭ иреиҳауп. Еиҭашьақәыргылоу ахыб аплошьад - 1464 ԥшьыркцатә метр рҟынӡа инаӡоит. Ахыб ақәҵа апрофнастил ҳәа изышьҭоу аматериал ауп. Мацара аӡышьҭратә шәырақәа рыкнаҳара заҵәык ауп иҟаҵатәны иаҳзаанханы иҟоу», - ҳәа ажурналистцәа дрыҿцәажәо иҳәеит анардкыларатә еиҿкаара адиректор Раули Шамугиа.
