Милана Бжьаниа Аԥсны иҟоу Урыстәылатәи аҭоурыхтә еилазаара Ахаҭарнакра ахантәаҩыс дҟалеит.

20.Рашәара.2023

Милана Бжьаниа Аԥсны иҟоу Урыстәылатәи аҭоурыхтә еилазаара Ахаҭарнакра ахантәаҩыс дҟалеит.

Аҟәа. Рашәарамза 20, 2023 шықәса. Аԥсныпресс. Милана Бжьаниа Урыстәылатәи аҭоурыхтә еилазаара раԥхьатәи аҳәаанырцәтәи Ахаҭарнакра ахантәаҩыс дшьақәырӷәӷәахеит.

Рашәарамза 20 рзы Москва ақалақь, Урыстәылатәи анаукақәа ракадемиа иатәу ауаажәларратә наукақәа рзы анаукатә информациа Аинститут аҿы Урыстәылатәи аҭоурыхтә еилазаара азеиԥш еизара мҩаԥысит.

Урыстәылатәи аҭоурыхтә еилазаара ахантәаҩы Сергеи Нарышкин Азеиԥш еизара амшхәаԥштә ахь ицәыригеит арегионалтә ҟәшақәеи ахаҭарнакрақәеи раԥҵара азҵаара.

Иаарту абжьыҭирала Урыстәылатәи аҭоурыхтә еилазаара Ахаҭарнакра Аԥсны аартра азы еицҿакны аӡбамҭа рыдыркылеит.

2012 шықәсазы Урыстәылатәи аҭоурыхтә еилазаара аиҭарҿиара аныҟала инаркны уи ахантәаҩыс дыҟан, иахьа уажәраанӡагьы дыҟоуп Урыстәылатәи Афедерациа адәныҟатәи аԥшыхәра Амаҵзура адиректор Сергеи Нарышкин.

Милана Бжьаниа Урыстәылатәи аҳәынҭқарратә гуманитартә университет аҭоурых-архивтә Институт далгеит. Лара Аԥсны анаукақәа Ракадемиа иатәу Д.И.Гәлиа ихьӡ зху Аԥснытәи агуманитартә ҭҵаарақәа Ринститут анаукатә усзуҩны, аамҭак ала акультура аминистр иабжьгаҩны дыҟоуп. .

Read 337 times - Ахаша, 21 Рашәара 2023 15:37