Ацәыргақәҵа алахәхаразы иалхын Аԥсны асахьаҭыхыҩцәа рнапы иҵыҵыз 45 сахьеи хә-скульптураки.
19.Рашәара.2023
Аԥснытәи асахьаҭыхыҩцәа русумҭақәа ацәыргақәҵа «Юг России XIII: живопись, скульптура» аҿы ицәыргақәҵахоит.
Аҟәа. Рашәарамза 19, 2023 шықәса. Аԥсныпресс. Рашәарамза 19 инаркны ԥхынгәымза 15, 2023 шықәсанӡа Ростов-на Дону ақалақь, аконгресс-цәыргақәҵатә центр «ДонЭкспоцентр» аҿы имҩаԥысуеит Урыстәылазегьтәи арҿиаратә уаажәларратә еиҿкаара «Урыстәыла асахьаҭыхыҩцәа Реидгыла» Арегионбжьаратәи асахьаҭыхратә цәыргақәҵа «Юг России XIII: живопись, скульптура».
